Язгы өмә гөрләп узды

Яз – табигатьнең иң матур фасылларыннан берсе. 

Апрель ае чисталык таләп итә торган ай. Бөтен дөнья яшәрә, уяна башлый. Ләкин табигать уяну белән без дә игьтибарсыз калмаска тиеш. Кар астыннан чыккан чүпләрне җыештыру, карларны тарату – язгы иң мөһим эшләрдән санала. Буген район учреждениеләре һәм оешмалары хезмәткәрләре әйләнә-тирәне кардан арындыру һәм урамнарны җыештыру өчен күмәкләп өмәгә чыктылар. Әлеге чарадан безнең редакция коллективы да читтә калмады. Биредә яшәүчеләр кулларына көрәк һәм лом тотып якын-тирә территорияләрне кар һәм боздан чистарттылар, кар астыннан чыккан чүп-чарны җыйдылар. Әлеге өмәләр безнең районда традициягә әйләнде дияргә мөмкин. Әйләнә-тирәбездә чисталык урнаштыру буенча өмәләр киләсе атналарда да булачак. Бу өмәләр хезмәт коллективларындагы хезмәткәрләрнең тагын да дус, бердәм булуына ачык мисал .

Автор:Илсөяр Гайсина