Ризыҡ һалып китегеҙ, кемгә кәрәк алығыҙ!

Ризыҡ һалып китегеҙ, кемгә кәрәк алығыҙ!
Рамаҙан айында Өфө ауылының «Ләйсән» магазинында «Саҙаҡа кәштәһе» булдырылды. Был сауаплы эш - ауыл ағинәйҙәре башланғысы. Мөмкинселеге булған кеше был кәштәгә ризыҡ йә әйбер һалып, ә мохтаждар үҙҙәренә кәрәкле әйберҙе бушлай алып китә ала.
«Саҙаҡа кәштәһе» ай буйы эшләйәсәк. Был сауаплы эште хуплап, үҙҙәренең магазинында кәштәһенән урын бүлгән Зөфәр һәм Флүрә Солтановтарҙың аҙымы оло хуплауға лайыҡ. Тәүге көндә үк «Саҙаҡа кәштәһе» кәрәкле аҙыҡ-түлектәр менән тулды!
Изге Рамаҙан айында сауаплы эш башлап ебәргән ағинәйҙәребеҙгә ҡушылайыҡ! Яҡшы айҙа ҡылған изгелектәрегеҙ үҙегеҙгә меңләтә сауап булып ҡайтһын!

Источник: Администрация Хайбуллинского района