Малдар йәшел үләнгә аяҡ баҫты

Малдарҙың йәшел үләнгә баҫыуына бер ай ҙа юҡ әле. Районда һаҡланып ҡалған берҙән-бер - Ленин исемендәге колхоздың Яңғыҙҡайын һөтсөлөк фермаһы малдары ла оҙон ҡышты имен уҙғарып, 3 майҙа көтөүгә сыҡҡа

Әлеге ваҡытта Яңғыҙҡайын һөтсөлөк фермаһында 413 баш һыйыр малы, шул иҫәптән 80 һауын һыйыры, 148 тана, 58 быҙау иҫәпләнә. Бөгөн фермала көндәлек һауым уртаса 653 л тәшкил итә.
Һөтсөлөк фермаһында берҙәм, татыу, үҙ эшенә намыҫлы ҡараған, ваҡыт менән иҫәпләшеп тормаған коллектив тупланған. Былтыр май айында ферма мөдире итеп тәғәйенләнгән Рәйес Исламғолов беҙҙе эштәр барышы менән таныштырҙы. Таналарҙы Ноябревка (Сапар) ауылы янындағы йәйге лагерға күсергәндәр. Һауын һыйырҙары әлегә фермала, көндәр йылытыу менән Урал ауылы янындағы йәйләүгә күсерергә планлаштыралар. Һауын һыйырҙарын малсылар Рифат Мусин менән Сергей Романов, таналарҙы Рәмил Шәрипов менән Рәжәп Нафиҡов көтә. Һауынсылар Әминә Мусина менән Земфира Мансурова. Быҙауҙарҙы Рәмил Мөхәмәтйәнов менән Зилә Дәүләтшина тәрбиәләй. Азат Ғафаров фураж ташый. Һауыу аппараттарын оператор Илдус Хәлитов хеҙмәтләндерә, бинанан транспортер ярҙамында тиҙәк түгеүҙә оператор Флүр Уразаев мәшғүл.
Был коллективтың артабан һынатмауын, йәйге мул һөт осоронда күберәк һөт етештереүен теләргә ҡала.