Бөтен көчне — азык хәзерләүгә

Ямьле җәйгә дә кердек. Авыл хезмәтчәннәре өчен эшнең иң кызган чагы гына — җитәрлек күләмдә мал азыгы әзерләргә кирәк. Чәршәмбе көнне “Үзәк” МТС- ның “Знамя” бүлекчәсе базасында үткән семинар-киңәшмәдә муниципаль район хакимияте башлыгы Реканс Ямалеев , республиканың 16 районыннан һәм Уфа шәһәреннән инженер- инспекторлар, БР Техник күзәтчелек инспекциясе начальнигы Ринат Галимов, БР авыл хуҗалыгы министры урынбасары Павел Иофинов, “Үзәк” МТСның генераль директоры Илдар Насыйров һәм хуҗалык җитәкчеләре, баш белгечләре катнашты. Аның беренче өлеше Яңа Коты авылы мәдәният йортында үтте. Мал азыгы хәзерләүгә карата таләпләр, аларны тиешенчә үтәү мөһимлеге, басу эшләрендә техниканы хәвефсез эксплуатацияләү турындагы бурычларга тукталып, БР Дәүләт техник күзәтчелек инспекциясе начальнигы Ринат Галимов эш планы белән таныштырды. Семинарда катнашучыларны район хакимияте башлыгы Реканс Фәнил улы Ямалеев сәламләп, район авыл хуҗалыгы предприятиеләренең эшчәнлеге, соңгы еллардагы казанышлар, киләчәккә бурычлар турында сөйләде. БР авыл хуҗалыгы министры урынбасары Павел Иофиновның чыгышы мал азыгы җыю техникасы торышына багышланган иде. Ул бүген республикада яшел уракта кат нашачак техникага йөкләнеш — 500 гектардан артык урып-җыю мәйданы туры килүен әйтте. Ми-нистр урынбасары билгеләп үткәнчә, техникага мондый югары йөкләнешкә бәйле рәвештә мал азыгы җыю техникасын вакытында әзерләү һәм сыйфатлы ремонтлау буенча аеруча көнүзәк мәсьәлә булып тора. Теманы дәвам итеп, “Үзәк” МТСның генераль директоры урынбасары Рөстәм Баһаветдинов көчле егәрле техника һәм югары җитештерүчәнле агрегатлар белән генә басу эшлә-рен вакытында һәм югары сыйфатлы итеп башкарып чыгып була, дип билгеләде. Предприятиедә ел саен “Госагролизинг” программасы ярдәмендә яңа заманча техника сатып алына. Чакмагыш филиалы директоры Алмаз Йосыпов әйтүенчә, быел 20 млн. сумлык авыл хуҗалыгы машиналары белән филиалның техникапаркы яңартылды. –Район буенча һәр шартлы мал башына исәпләгәндә 40 ц. азык берәмлеге хәзерләү максатын куйдык. Язгы кыр эшләрен уңышлы башкарып чыктык. Яшел уракта да сынатмабыз, сыйфатлы мал азыгын туплау өчен бар мөмкинлекләрдән файдаланачакбыз, – диде муниципаль район хакимиятенең авыл хуҗалыгы бүлеге начальнигы Илгиз Ихсанов. Семинарда биоконсервантлар җитештерүчеләр дә чакырылган иде. “Экопрод” һәм “БашИнком” җәмгыяте вәкилләре үз продукцияләрен тәкъдим итте. Пленар өлешкә йомгак ясап, БР Дәүләт техник күзәтчелек инспекциясе начальнигы Ринат Галимов семинарда катнашучыларга һәр комбайн, трактор, чапкыч, агрегат-машиналарның техник тикшерү үткән булырга тиешлеген һәм аеруча, хезмәтне саклау таләпләрен искә төшерде. Чараның гамәли өлеше “Үзәк” МТСның “Знамя” бүлекчәсенең күпьеллык үлән басуында дәвам итте. Биредә тигез рәтләр булып район хуҗалыклары һәм “Үзәк” МТСның мал азыгы хәзерләүдә катнашачак техникалары тезелгән иде. Семинарда катнашучылар аларның төзеклеге, эшкә әзерлеге белән таныштылар, фикер алыштылар. Авыл хуҗалыгы машиналарын, тагылма агрегатларны эш сызыгына әзер булырлык итеп көйләү, басу эшләрен хәвеф-хәтәрсез башкарып чыгу — һәр белгечнең, механизаторның бурычы. Техник тикшерүләр дә шул нияттән үткәрелә. “Гостехнадзор” инспекциясенең райондагы бүлекчәсенең баш дәүләт инженер-инспекторы Вадим Гыйндуллин һәм инспектор Илнур Гафаров Ленин исемендәге хуҗалык механизаторы Владислав Шәрипов иярләгән “Полесье” комбайны мисалында күрсәтмә техник күзәтү үткәрде. Төп игътибар документларга, тормоз системасының, руль идарәсенең, тышкы яктырту җиһазларының төзеклегенә юнәлдерелде. Белгечләр шулай ук ягулык-майлау материалларының агып чыгуына юл куймауның мөһим булуына тукталды. Чөнки моның ут кабуларга китерү ихтималы бар. Күрсәтмә күзәтү барышында әнә шулай техникалардан хәвефсез фадалану мәсьәләсе игътибар үзәгендә булды. Басуга тезелгән 16 берәмлек техникага техник карауны республика районнарыннан килгән инспекторлар уздырды һәм аларда бергенә зур җитезсезлек тә табылмады. Аларның барысы да бүгеннән басуга чыгарга әзерләр һәм эшләр процессы белән дә танышу мөмкинлеге булды. –Мал азыгы хәзерләү техникасының күпчелеген эксплуатацияләүгә дистә ел вакыт узды. Механизаторларның тырышлыгы, белгечләр, җитәкчеләрнең хәстәрлеге нәтиҗәсендә бу комбайн, чапкычлар,тракторлар гөрләп эшлиләр, кышлату чорына азык туплауда зур роль уйныйлар. “Үзәк” МТСның Чакмагыш филиалы республикада алдынгылар исәбендә, биредә техникалар яхшы торышта. Филиал җитәкчесе Алмаз Йосыпов — таләпчән, булдыклы җитәкче. Филиалда механизатор-ларга уңайлы эш шартлары бул- дырылган. Шуңа да бүген семинар үткәрү урыны итеп Чакмагышны сайладык. Район хакимияте башлыгы Реканс Фәнил улына, филиал җитәкчесе Алмаз Мәмдух улына, хуҗалык җитәкчеләре, белгечләргә зур рәхмәт. Ә, әлбәттә, иң олы рәхмәтем — тырыш механизаторларга, – диде Ринат Сәхиулы һәм бер төркем хезмәт алдынгыларына Мактау кәгазьләре, Рәхмәт хатлары, бүләкләр тапшырды. Семинарда катнашучылар да мондый очрашуларның файдалы һәм нәтиҗәле булуын билгеләп үттеләр. –Семинар оештыру, аралашу башка районнардагы хезмәттәшләр белән фикер алышу мөмкинлеге тудыра. Чакмагышлыларның югары әзерлеге сокландырды, – дип фикере белән уртаклашты БР дәүләт техник күзәтчелек инспекциясенең Дүртөйле районы бүлекчәсенең инженер-инспекторы Гөлнара Хөсниева. Очрашу соңында әнә шулаймәртәбәле кунаклар, семинарда катнашучылар чакмагышлыларга чараны югары дәрәҗәдә оештырган өчен рәхмәт әйттеләр һәм күмәкфотога төштеләр.

Фотографии: 

Подписаться на ежедневную подборку новостей