ЯЛ КАЛЫК КЎСОТЫШТО КУМАЛЫН

... Эрдене эр У Оръямучаш ялыште илыше калык мончаш олтен. Тыге акрет годсек ышталтеш. Вет отыш кумалаш пурымо деч ончыч, Юмылан ўшаныше еҥ шкенжын капкылжым эрыктышаш.

Мончаш пурен лекмеке, чыла йўлам шуктен, У Оръямучаш ял гыч калык кўсото велкыла тарванен.

Кумалме вер ик эн сылне лукышто верланен. Ожно тыште кугезе-влак Юмылан кумалыныт. Илен-толын отыш корно койын йомаш тўҥалын, шўкшудо кушкын.

– Ожсо поро йўлам пєртылташ кўлеш, – тыге каласен У Оръямучаш ял калык. – Тудыжо поснак кызыт моткоч кўлешан, кунам тўня мучко тынысле огыл, шучко да тўрлӧ чер, вирус-влак озаналанат.

…Кўсотыш пурен шогалмеке, чевер кече пыл шеҥгеч ончале, мардежат лыпланыш. Шўм-чонлан тугай ласка да шокшын чучо.

Башкортостан Республикын кугурак картше (онаеҥ) Пастиев Геннадий Павлович да тудын полышкалышыже, Краснокам район гыч карт чыла поро йўлам текшырен, онапум освятитленыт. Тыштак кож укшла гыч ыштыме лўмын ўстелым вераҥденыт, тушко мелнам да моло сийым пыштеныт. Вара Юмылан кумалаш тўҥалыныт.

Нуно Ош Поро Кугу Юмо деч шкаланышт, пошкудыштлан да моло-влаклан тазалыкым, улан да тыныс илышым йодыныт.

У Оръямучаш ялыштат марий йўлам пӧртылтымаш моткоч куандара.

В. Акиев.

Сайт газеты "Калтаса ужара"