"УНИКЕ ОРЛЫК – БАРЫСЫ ДА ШУННАН БАШЛАНДЫ!"
Әтисе күрше авылдан томат орлыклары алып кайтканда, ул кечкенә кыз булган. Орлык унике булган. Әтисе кызыннан аларны утыртуын үтенгән. Үсентеләре чыккан, вакыт узу белән җимешләре дә өлгергән. Ул вакытта кыз беренче тапкыр помидорлар тәмләп караган, аларның тәмен ул берни белән дә чагыштыра алмаган...
Менә шулай, ерак балачагында ук Роза Саттарованың бакчачылык белән мавыгуы башланып киткән.
Әйткәндәй, ул бүген бер килограммлы томатлар ("Желтое сердце"), бераз кечерәк – 700 граммлы ("Зимараевский великан") һ.б. үстерә. Барлык яшелчәләрдән һәм төрле сортлардан мул уңыш ала. Үстереп карый, экспериментлар ясый, язып бара һәм исендә калдыра. Ярый, хәтере яхшы.
Виктория плантацияләре күп урын ала. Балаларына да, оныкларына да җитә, ә артыгын сата. Ә акчасына... яңа үсемлек – яшелчә, чәчәкләр, агач һәм куак сортлары сатып ала.
Һәр хатын-кыз кебек үк чәчәкләр ярата һәм аларны күпләп утырта.
– Минем бакча – фантазияләр очышы, – дип елмая чын күңелдән Роза Таһир кызы. – Сүз чәчәкләр турында барганда, аларның ниндер булса билгеләнгән тәртиптә утыртып буламы?
Фантазия фантазия белән, ләкин биредә кулына ни туры килә шуны утырту белән шөгыльләнмәгәннәр – шулай бакча искиткеч матур булыр идеме икән.
Чәчәкләр турында. Күпъеллыкларга өстенлек бирелә – ул лалә, бәрхет нарцисслар, пионнар, флокслар, розалар... Бүген төрле яран гөлләр шау чәчкәдә. "Быел алсу төстәгесе генә чәчәк атмый, бик матур чәчәк", – дип тирән сулый ул. Һәр үсемлек турында җентекләп сөйли, холкын белә. Яран гөл бик нык үсемлек икән. Беренче кырауларга да чыдам. Кышка ул тәрәзә төпләренә күчәргә тиеш, ә яз – янә туфракка.
"Ванька Мокрый" сорты хуҗабикәнең яраткан чәчәкләреннән берсе. Ул кына гөленең бер сорты.
Арытаба барабыз. Колеус, бегония, искиткеч матурлыктагы клематислар... Менә альп таучыклары.
– Ә бу үрмәле туя, ул сальвия белән уратып алынган. Аның белән бөтенләй кызыклы очрак чыккан. Мин аны "колоновидная туя" дип уйлаган идем. Өч-дүрт ел элек менә шундый кечкенә үсемлек сатып алдым, ә хәзер инде тоташ квадрат метр били, – дип сөйли ул.
"Колоновидная туя"ны бу яз сатып алган, аның шатлыгына ул үсемлек тоташ унбиш сантиметрга үскән.
– Хәзер бакчада матурлыкка ирешүе авыр түгел, чөнки кибетләрдә бөтен нәрсә күп – ашлама, туфрак, орлыклар, – дип сөйли Роза Таһир кызы. – Теләк кенә булсын.
Участокта төрле фактура һәм үлчәмле чәчәк төрләрен күзәтергә мөмкин: хоста, үрмә кәрләчләр, башка үсемлекләр. Абага басып алды, алар белән хушлашырга туры килде, ди хуҗабикә.
Бакчада төрле агач һәм куак үсә: алмагач, чия, зелпе, кура жиләге һ.б. Аларның барысы да мул уңыш бирә.
Раушания Гарифуллина, корреспондент газеты "Янаульские зори"
