Технология заман үҫеше өсөн

Башҡортостан Республикаһы Башлығы вазифаһын ваҡытлыса башҡарыусы Радий Хәбировтың Мөрәжәғәтнамәһе быға тиклемгеләренән айырмалы, тормошҡа ашмаҫлыҡ глобаль маҡсаттарҙан, һандарҙан азат. Уның нигеҙендә ябай хеҙмәт кешеһе, көнитмеше, тормош сифатын яҡшыртыу буйынса аныҡ маҡсаттар ята. Заман ҡуласаһында тап ошо категория күп осраҡта үҙ проблемалары менән ҡала.

Теманы дауам итеп:

Өфөнөң “Башсельхозтехника” предприятиеһында Минск трактор заводынан килтерелгән материалдарҙан “Беларус-1221.3” тракторы йыйыла. Белоруссия белгестәре менән берлектә ҡабул ителгән башланғыс ярҙамында яңыртылған, үҙгәртелгән трактор хәҙер ҡыҙыл төҫтә, артҡа  өҫтәлмә тәгәрмәстәр ҡуйылған. Двигатель ҡеүәте 132 ат көсөнә эйә, тирә-яҡ мөхит, экологияны бысратмай, шулай уҡ “Тропик” һыуытыу системаһы төрлө һауа шарттарына ҡарамай, туҡтауһыҙ эшләү мөмкинлеге бирә. GPS-ГЛОНАСС технологияһы  рәттәрҙең тура булыуы, ямғыр яуғанда, томанда эшләү мөмкинлеге менән уңайлы.

“Ул элекке ДТ-75 һәм Т-4”Алтай” тракторҙарына алмаш. Был техника бәләкәй хужалыҡтар өсөн ҡулайлы, уның ярҙамында ер һөрөргә, тырматырға, башҡа эштәрҙе башҡарырға мөмкин.   Малсылыҡ менән шөғөлләнгәндә бәләкәй тәгәрмәстәр ҡуйып, кабинаһын алмаштырһаң, фермала мал аҙығы таратҡанда уңайлы”, - ти ауыл хужалығы баш инженеры Ринат Бикбулатов.  Тракторҙар күпләп етештерелә башлау менән ауыл хужалығы тармағы белгестәре уны мотлаҡ һатып аласаҡтары тураһында белдерә.      

Рәфилә СИБӘҒӘТУЛЛИНА.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                               

 

Фотографии: 

Подписаться на ежедневную подборку новостей