Шәкәр заводында эштәр ҡайнай

Быйылғы йыл шәкәр сөгөлдөрө эшкәртеү сәнәғәте эшсәндәре өсөн еңел булманы. Татлы продукцияға хаҡтарҙың киҫкен төшөүе Раевка шәкәр эшкәртеүселәре эшенә лә ҙур үҙгәрештәр индерҙе.

Заводта яңы милексе

- Уҙған йылды килемһеҙ тамамланыҡ, - ти “Раевсахар” йәмғиәтенең финанс директоры Айгөл Белинская. – Был шәкәргә һатып алыу хаҡтарының 36 һумдан 18 һумғаса төшөүенә бәйле. Заводтың милексеһе лә алмашынды. Активтарҙы Башҡортостан компанияһы - “Стар Нафта” йәмғиәте һатып алды. Әммә финанс ҡыйынлыҡтарға ҡарамай, предприятие яңы миҙгелгә ныҡлап әҙерләнде. Ремонт эштәренә 50 млн һумдан ашыу аҡса бүленде. Етештереүгә килгәндә иһә, 2017 йылдан алып сеймал эшкәртеүҙе тәүлегенә 4500 тоннаға еткерҙек. Был миҙгелдә 500 мең тонна шәкәр сөгөлдөрө әҙерләргә ниәтләйбеҙ.

Заводта кадрҙар потенциалын да тулыһынса һаҡлап ҡалыуға өлгәшкәндәр.

Фотографии: 

Подписаться на ежедневную подборку новостей