Гыйззатулла Аллаяров умартачылыкта утыз елдан артык

Башкортстан борын-борыннан бал белән дан тота. "Иң баллы төбәк"  репутациясен ул умартачылар ярдәмендә алган. Алар арасында Салих авылыннан безнең герой Гыйззатулла Аллаяров та. Әйткәндәй, 20 майда илдә умартачылар һөнәри юбилеен билгеләде.

Ир узаманы инде утыз елдан артык умартачылык белән һөнәри шөгыльләнә. Хезмәтчән бөҗәкләр белән беренче танушуы ерак 1978 елда "Большевик" колхозы умартачылыгында эшләгәндә булган. Берникадәр вакыттан соң башлап кына яткан умартачы умартачылык буенча махсус курслар тәмамлаган.

– Сиксәненче елларда умарталыкны ташларга туры килде. Унбиш ел "Көнкүреш йортында" телемастер булып эшләдем, арытаба янә бал кортларына кайттым. Тәүдә урман хуҗалыгында эшләдем, арытаба үз эшемне булдырдым, – дип сөйли Гыйззатулла.

Хәзер умартачының 25 умартасы исәпләнә. Пасека, гадәттә авылларда булганча, йорт ихатасында түгел, урманда аулак урында.  Гыйззатулла Гыйльмияр улы сүзләре буенча, урман балы "авылныкына" караганда күпкә файдалырак. Беренче уңышын август башында ала.

– Безнең якларда гадәттә юкә чәчәге һәм чәчәк балы була. Быел аны күпме җыярбыз, билгеле түгел. Уңыш, беренче чиратта һава торышына бәйле, – дип аңлата умартачы.

Балны һәм балавызны умартачы ярминкәдә һәм танышларына сата. Күп еллар эшләү дәверендә Гыйззатулла Аллаяровның файдалы сыен байтак яңавыллылар яратып өлгергән.

Олеся Тукташева, корреспондент газеты "Янаульские зори"