Биш ул үҫтергән әсә, баҫыу һәм ферма хеҙмәткәре

Ҡолош ауылында йәшәүсе Рәйсә Әсәҙуллина - биш ул үҫтергән әсә.
- Бер-бер артлы донъяға килгән ул­дарыбыҙға ирем менән бик шатландыҡ. Матур, килешле исемдәр ҡуштыҡ: Риф­ҡәт, Фәһим, Фәнзил, Нәфил һәм Зин­фир. Ҡыҙҙарыбыҙ булмаһа ла, бик һи­ҙелмәне. Сөнки ҡәҙерлеләрем бар эш­тәр­ҙе лә башҡарҙылар. Бер ваҡытта ла эште ирҙәр һәм ҡатын-ҡыҙҙарҙыҡына айырманылар, малды ла ҡараштылар, бесән дә әҙер­ләш­теләр, һауыт-һабаны ла, керҙе лә, буяуһыҙ иҙәнде лә ҡырып  йыуҙылар. Йөндө иләп ҡуйһам, бергә ураша, хатта бәйләшәләр ҙә ине. – Тик бына аталары Фәнил генә был яҡты донъя­нан иртәрәк китте, уға улда­ры­быҙ­ҙың уңыштарын артабан да күреү бәхете теймәне. Уның менән бергә 30 йыл йәшәп ҡалдыҡ, мәрхүм булғанына ла инде 30 йыл булып китте. Балаларға туйҙар ҙа яһалды, һәр береһе минең өсөн “ах” итеп тора, килендәрем дә һәйбәттәр, инде хәҙер ейән-ейән­сәрҙәр менән һөйөндөрәләр.
Рәйсә һәм Фәнил Әсәҙуллиндар йәш саҡтарында тырышып донъя көт­кән, мал аҫраған, баҡсаларында алма­ғастар, балан, ҡарағат ултыртҡан. Күпме ваҡыт уҙһа ла, емеш ағастары йылдан-йыл мул уңыш­тары менән һөйөндөрә. Улар әле лә иренең иҫтәлеге булып,  йыл һайын яҙын  сәскә ата, емештәрен бирә. Малын да бер нисә йыл элек кенә бө­төрә һикһән йәш­лек юбилейына яҡын­лашҡан уҙаман. Әйткәндәй, Һәүәләйҙә тыуып үҫкән Рәй­сә Әсәҙуллина уңған нәҫелдән шул: Со­циа­листик Хеҙмәт Геройы Раил Кама­лов­тың бер туған һеңлеһе ул. “Эшһөйәрлек һәм илһө­йәрлек – беҙҙең ҡанда”, - ти ул. 
Ҡатын фермала оҙаҡ йылдар сусҡа ҡарай, сөгөлдөр үҫтерә, ашханала, баҡ­са­ла эшләй. Тырыш  хеҙмәте өсөн Маҡ­тау ҡағыҙҙары һәм Рәхмәт хаттары ала, шулай уҡ фиҙаҡәр хеҙмәте өсөн миҙал­дар менән дә бүләкләнә. Ул үҙе­нең бар уңыштарында малайҙарының да өлө­шөн күрә. “Улар хужалыҡ эштә­рен­дә булышмаһа, өлгәшеп булмаҫ ине”, - ти. Эш­ләп үҫкән егеттәр фи­зик яҡтан ныҡ­лы, көслө һәм уңған бу­лып үҫә, ҙур тү­ҙемһеҙлек менән армия­ны көтөп ала­лар һәм изге бурыстарын намыҫ менән үтәйҙәр.
Улдарының барыһы ла эшсе һө­нәр­ҙәрҙе һайлаған. Араларында трак­торсы, иретеп-йәбештереүсе, электрик һәм шо­фер­ҙар бар. Әлеге көндә бер улы Зин­фир әсә менән торһа, өсәүһе Ҡабаҡта, берәүһе Олокүлдә йәшәй. 
Рәйсә Исмәғил ҡыҙы колхозда төрлө эштәрҙе башҡара, ҡайҙа ҡушалар шунда эшләй. 
Ул әле лә донъя яңылыҡтары менән ҡыҙ­ыҡ­һына, ейәндәренең һәм бөтә йәш бы­уын­дың патриотик рухта тәр­биәләнеп үҫеүен теләй. 
 

Фәниә Сәлимгәрәева. 
 

Фотографии: 

Подписаться на ежедневную подборку новостей