Башҡорт атлылары эҙенән Салауат районы вәкилдәре республика делегацияһы составында Луганскиҙа патриотик рейдта йөрөп ҡайтты
Башҡорт атлылары эҙенән Салауат районы вәкилдәре республика делегацияһы составында Луганскиҙа патриотик рейдта йөрөп ҡайтты
Башҡортостандан 12 кешенән торған делегация тарихи хәтерҙе мәңгеләштереү, уртаҡ рухи, мәҙәни ҡиммәттәрҙе һаҡлау һәм популярлаштырыу, шулай уҡ ике республика араһында барлыҡҡа килгән дуҫлыҡ ептәрен нығытыу маҡсатында Луганскиҙа өс көнлөк сәфәрҙә булды. Илһөйәрлекте үҫтереүгә ҡоролған сара ноябрь аҙаҡтарында БР Хөкүмәте ярҙамы һәм Луганск Халыҡ Республикаһы етәкселеге саҡырыуы буйынса үтте. Делегация составында Башҡортостандың Хәрби хәрәкәттәр ветерандары союзы рәйесе, Бөтә донъя башҡорттары ҡоролтайы Башҡарма комитеты ағзаһы, патриотик рейдты ойоштороусы Тимерйән Рәжәпов, Бөтә донъя башҡорттары ҡоролтайы Аппараты етәксеһе Рөстәм Баянов, Башҡортостандың Милли музейы директоры Альбина Ярмуллина, төрлө район мәктәптәренең тормош хәүефһеҙлеге нигеҙҙәре фәне уҡытыусылары, беҙҙең Салауат районынан хәрби хәрәкәттәр ветерандары берлеге рәйесе Рөстәм Хөснуллин һәм Ахун ауылынан яугир-интернационалист Илшат Усманов барҙы. – Башҡортостандың Хәрби хәрәкәттәр ветерандары союзы менән беҙҙең райондағы ошо уҡ ойошма 2015 йылдан бирле Луганск халҡына гуманитар ярҙам күрһәтә. Беҙ унда һәр йыл һайын тиерлек барабыҙ. Был юлы патриотик рейд менән данлыҡлы 112-се Башҡорт кавалерия дивизияһы юлдарын үтеү, уның командиры, генерал Миңлеғәле Шайморатовтың һәм башҡа башҡорт атлылары батырлыҡтарын мәңгеләштереү маҡсатында төрлө сараларҙа ҡатнашыу өсөн юлға сыҡтыҡ. Красный луч ҡалаһында Башҡортостандың Стәрлебаш районынан Советтар Союзы Геройы Сафа Хәсәновҡа таҡтаташ асылды. Яҡташыбыҙҙың исемен ҡаланың бер урамы йөрөтә. Киләсәктә урындағы мәктәптәрҙең береһенә Сафа Хәсәновтың исемен биреү ҡарала, – тип һөйләне Рөстәм Нәбиулла ул
